அடக்கடவுளே..! 3 வயது குழந்தையை நாற்காலியில் கட்டி வைத்து அடித்து நொறுக்கிய ஆசிரியைகள்..! CCTV ஃபூட்டேஜ் வேணும்னா ரூ.1,500 கட்டுங்க… பெற்றோரையே மிரட்டிய பள்ளி நிர்வாகம்…! டெல்லி ப்ளே ஸ்கூலில் அம்பலமான நெஞ்சை உலுக்கும் கொடூரம்..!!

வடகிழக்கு டெல்லியின் மௌஜ்பூர் பகுதியில் உள்ள ஒரு ப்ளே ஸ்கூலில் மூன்று வயதுக் குழந்தை கொடூரமாகத் தாக்கப்பட்ட சம்பவம் அதிர்ச்சியை ஏற்படுத்தியுள்ளது. அண்மையில் வெளியான மனதை உலுக்கும் சிசிடிவி காணொளியில், ஒரு பெண் சிறிய மஞ்சள் நிற பிளாஸ்டிக் நாற்காலியில் அமர்ந்திருக்கும் குழந்தையைத் தன் கால்களால் தள்ளி, பின்னர் ஒரு மூலைக்குச் சென்றதும் அவனைப் பலமாக அறையத் தொடங்குவது பதிவாகியுள்ளது. இச்சம்பவம் தொடர்பாக டெல்லி காவல்துறை போக்சோ சட்டத்தின் கீழ் வழக்குப் பதிவு செய்துள்ளது. இதில் பள்ளியின் இயக்குநர் சுனிதா பன்சால், முதல்வர் நீலம், ஆசிரியைகள் சிம்ரன் மற்றும் பூஜா ஆகிய நான்கு பேர் மீது குற்றம் சாட்டப்பட்டுள்ள நிலையில், ஒரு காப்பாளர் கைது செய்யப்பட்டுள்ளதாகக் காவல்துறை தெரிவித்துள்ளது.

மூன்று வயதுக் குழந்தை தன் பெற்றோரிடம் காது வலி இருப்பதாகப் புகார் அளித்தபோதும், அவனது முகத்திலும் கைகளிலும் காயங்கள் இருந்ததை பெற்றோர் கவனித்தபோதும் இந்தத் துன்புறுத்தல் வெளிச்சத்திற்கு வந்தது. குழந்தையைப் பரிசோதித்த மருத்துவர், இரு செவிப்பறைகளும் வீங்கியிருப்பதாகவும், அது உடல்ரீதியான தாக்குதலால் ஏற்பட்டிருக்கலாம் என்றும் தெரிவித்துள்ளார். இதைத் தொடர்ந்து பெற்றோர் பள்ளி நிர்வாகத்தை அணுகியபோது, தாக்குதல் எதுவும் நடக்கவில்லை என பள்ளி தரப்பில் மறுக்கப்பட்டுள்ளது. பின்னர் வகுப்பறை சிசிடிவி காட்சிகளைப் பெற பெற்றோர் அனுமதி கேட்டபோது, சிசிடிவி உள்நுழைவு விவரங்களுக்காகப் பள்ளி நிர்வாகம் ரூ.1,500 வசூலித்ததாக குழந்தையின் தந்தை குற்றம் சாட்டியுள்ளார்.

பணத்தைச் செலுத்தி சிசிடிவி காட்சிகளைப் பெற்ற குழந்தையின் தாய், ஆகஸ்ட் 16, 17 மற்றும் 18 ஆகிய தேதிகளின் காணொளிகளை ஆய்வு செய்தார். அப்போது, குழந்தை ஒரு ஏப்ரன் கொண்டு நாற்காலியில் கட்டப்பட்டிருப்பதும், ஓர் ஆசிரியரும் பராமரிப்பாளரும் அக்குழந்தையை உடல்ரீதியாகத் துன்புறுத்துவதும் தெரியவந்தது. “என் மகன் மூன்று மணி நேரம் ஒரு ஏப்ரனால் நாற்காலியில் கட்டப்பட்டு, தொடர்ச்சியாகத் தாக்கப்பட்டான்” என்று அந்தச் சிறுவனின் தந்தை வேதனையுடன் தெரிவித்துள்ளார்.