“நாங்க போறோம்..” பெற்றோர்கள் காட்டிய கடுமையான எதிர்ப்பு.. மைனர் காதல் ஜோடி எடுத்த விபரீத முடிவும்.. நெஞ்சை உலுக்கும் சோக சம்பவம்..!!

ஆந்திரப் பிரதேசம் அனகாபள்ளி மாவட்டம் கே. கோடாபாடு பகுதியில், குடும்பத்தினர் திருமணத்திற்குச் சம்மதிக்காததால் இளம் காதல் ஜோடி கிணற்றில் குதித்து தற்கொலை செய்துகொண்ட சம்பவம் பெரும் சோகத்தை ஏற்படுத்தியுள்ளது. டோங்கலா சத்யசாகர் மற்றும் ஷீலா அருண் ஆகிய இருவரும் கடந்த சில காலமாக ஒருவரையொருவர் தீவிரமாகக் காதலித்து வந்துள்ளனர். இவர்களது காதல் விவகாரம் வீட்டிற்குத் தெரிந்தபோது, இருவரும் இன்னும் சட்டப்பூர்வ திருமண வயதை அடையாத மைனர்கள் என்பதால், இவர்களது திருமணத்திற்கு இருவீட்டுப் பெற்றோர்களும் குடும்பத்தினரும் சம்மதிக்க மறுத்து கடுமையான எதிர்ப்பு தெரிவித்துள்ளனர்.

பெற்றோர்கள் தங்களது திருமணத்திற்கு ஒப்புதல் அளிக்காததால் மனவேதனை அடைந்த சத்யசாகரும் அருணும், இணைந்து வாழ முடியாது என்ற விரக்தியில் கிணற்றில் குதித்து தற்கொலை செய்துகொண்டனர். இச்சம்பவம் குறித்துத் தகவல் அறிந்து வந்த போலீஸார், உயிரிழந்தவர்களின் உடல்களை மீட்டு விசாரித்து வருகின்றனர். மேலும், தற்கொலை செய்துகொள்வதற்கு முன்னதாக சத்யசாகர் எழுதிய உருக்கமான தற்கொலைக் கடிதம் காவல்துறையிடம் ஒப்படைக்கப்பட்டுள்ளது. இக்கடிதத்தைக் கைப்பற்றிய போலீஸார், இந்த விபரீத முடிவு குறித்து வழக்குப் பதிவு செய்து தீவிர விசாரணை மேற்கொண்டு வருகின்றனர்.