“வழிய விடு இல்லனா கொன்னுடுவேன்..” ஆடம்பர குடியிருப்பில் SUV காரை விட்டு ஆட்களை மோதி தள்ளிய மர்ம நபர்.. பதறவைக்கும் திக் திக் காட்சி..!!

மும்பை அருகே உள்ள மீரா ரோட் பகுதியில் உள்ள ஜே.பி. பேக் ரோட் அருகே சாலையில் நின்றுகொண்டிருந்த நான்கு பேர் மீது வேகமாக வந்த எஸ்.யு.வி கார் ஒன்று மோதும் வகையில் ஆபத்தான முறையில் சீறிப்பாய்ந்துள்ளது. இதனால் பாதசாரிகளின் பாதுகாப்பு குறித்த அச்சம் எழுந்துள்ளது. திங்கள்கிழமை மாலை நடைபெற்ற இந்தச் சம்பவம், அங்கு சென்ற மற்றொரு வாகனத்தின் டேஷ்கேமில் பதிவாகியுள்ளது. இந்த வீடியோ காட்சிகள் ‘gemsofmbmc’ என்ற இன்ஸ்டாகிராம் பக்கத்தில் பகிரப்பட்டு சமூக வலைத்தளங்களில் வைரலாகி வருகிறது.

வீடியோவில், ‘மஹிந்திரா எக்ஸ்.இ.வி 9இ’ ரகத்தைச் சேர்ந்த வெள்ளை நிற எஸ்.யு.வி கார் ஒன்று சாலையில் நின்று கொண்டிருந்த நான்கு பேரை நோக்கி மிக அதிவேகமாக வருகிறது. கார் மோதும் நிலைக்கு வந்ததும் ஒருவர் கீழே விழுகிறார்; மற்றொருவர் காரில் மோதாமல் இருக்கச் சாலையோர வடிகாலுக்குள் குதிக்கிறார். மீதி இருவர் அதிர்ஷ்டவசமாகத் தப்பினாலும், இச்சம்பவத்தால் கடும் அதிர்ச்சியடைந்தனர். விபத்தை ஏற்படுத்திய ஓட்டுநர் காரை நிறுத்தாமல் அங்கிருந்து உடனடியாகத் தப்பிச் சென்றுள்ளார்.

https://www.instagram.com/reel/DcJYSAvzQzg/?utm_source=ig_web_button_share_sheet

சமூக வலைத்தளப் பதிவுகளின்படி, அந்த காரின் பதிவு எண் MH 48 DU 4566 எனக் குறிப்பிடப்பட்டுள்ளது. இணையத்தில் சுமார் 55,000-க்கும் அதிகமானோரால் பார்க்கப்பட்டுள்ள இந்த வீடியோவைக் கண்டு பயனர்கள் கடும் அதிர்ச்சி அடைந்துள்ளனர். மும்பை காவல்துறை மற்றும் மகாராஷ்டிர முதல்வர் தேவேந்திர ஃபட்னாவிஸ் ஆகியோருக்குக் குறிப்பீடுகள் செய்து ஓட்டுநர் மீது கடும் நடவடிக்கை எடுக்க கோரிக்கை விடுத்து வருகின்றனர். இதுவரை இது தொடர்பாக வழக்கு பதிவு செய்யப்பட்டுள்ளதா அல்லது ஓட்டுநர் அடையாளம் காணப்பட்டுள்ளாரா என்பது குறித்து அதிகாரப்பூர்வ உறுதிப்படுத்தல் எதுவும் வெளியாகவில்லை.