இளைஞர்களின் கனவு கன்னி த்ரிஷா… சின்ன வயசுல எப்படி இருந்தாங்க தெரியுமா..? யாரும் பார்க்காத Childhood photos இதோ..!!

இளைஞர்களின் கனவு கன்னியாக வலம் வரும் த்ரிஷா முதன்முதலில் லேசா லேசா படத்தில் நடித்தார். அந்த படம் தாமதமாக 2003-இல் வெளியானது. இதற்கிடையே த்ரிஷா சூர்யா உடன் நடித்த மௌனம் பேசியதே திரைப்படம் 2002-ல் வெளியானது.

அதன் பிறகு த்ரிஷாவுக்கு அடுத்தடுத்த பட வாய்ப்புகள் வந்தது. நடிகர் விக்ரமுடன் சாமி, ஸ்ரீகாந்த்துடன் மனசெல்லாம், தருணுடன் எனக்கு 20 உனக்கு 18 போன்ற படங்களில் திரிஷா நடித்துள்ளார்.

கடந்த 2003-ஆம் ஆண்டு த்ரிஷா நடிப்பில் ஐந்து படங்கள் வெளியாகி ரசிகர்களிடையே மிகுந்த வரவேற்பை பெற்றது. இதனையடுத்து விஜயுடன் 2004-ஆம் ஆண்டு கில்லி திரைப்படத்தில் திரிஷா யதார்த்தமான நடிப்பை வெளிப்படுத்தி ரசிகர்களின் மனதில் நீங்காத இடம் பிடித்தார்.

அதன்பிறகு விஜயுடன் திருப்பாச்சி படத்தில் நடித்துள்ளார். கடந்த 2010-ஆம் ஆண்டு திரிஷா சிம்பு நடிப்பில் வெளியான விண்ணைத்தாண்டி வருவாயா திரைப்படம் திருப்புமுனையாக அமைந்தது.

அதுவரை கில்லி தனலட்சுமி என அழைக்கப்பட்ட த்ரிஷா விண்ணைத்தாண்டி வருவாயா திரைப்படத்திற்கு பிறகு ரசிகர்கள் மனதில் ஜெஸ்ஸியாக இடம் பிடித்தார்.

தமிழில் முன்னணி நடிகர்களான விஜய், அஜித், சிம்பு, விக்ரம், ஜெயம் ரவி, விஜய் சேதுபதி ஆகியோருடன் திரிஷா நடித்துள்ளார்.

முக்கியமாக 96 திரைப்படத்தில் ஜானு கதாபாத்திரத்தில் திரிஷா நடித்தார். படத்தின் முதல் காட்சி முதல் இறுதி காட்சி வரை த்ரிஷாவின் நடிப்பு அருமையாக இருந்தது.

நடிப்பிற்கு பிரேக் விட்டிருந்த திரிஷாவிற்கு பொன்னியின் செல்வன் திரைப்படம் மிகப்பெரிய ரீ என்டிரி ஆக அமைந்தது. அதன் பிறகு லியோ, தி ரோடு என அடுத்தடுத்த படங்களில் திரிஷா கமிட் ஆனார்.

பல வருடங்கள் கழித்து விஜயுடன் திரிஷா நடித்த லியோ படம் மிகப்பெரிய அளவில் வெற்றி பெற்றது. தற்போது அஜித்தின் விடாமுயற்சி படத்தில் திரிஷா கதாநாயகியாக நடித்துக் கொண்டிருக்கிறார்.

திரை துறையில் திரிஷா 21 ஆண்டுகளை வெற்றிகரமாக நிறைவு செய்துள்ளார். இளைஞர்களின் கனவு கன்னியாக இருக்கும் த்ரிஷாவின் குழந்தை பருவ புகைப்படங்கள் சமூக வலைதளத்தில் வேகமாக பரவி வருகிறது.

இத்தனை வருடங்கள் ஆகியும் திரிஷா அப்படியே இருக்கிறார் என்றும், இளமை மாறாத அழகி எனவும் ரசிகர்கள் கமெண்ட் செய்து வருகின்றனர்.