ஜட்டியைக் கழட்டிடுவேன்ன்னு சொன்ன பெண் அமைச்சர் சொன்னது தப்பில்லையா..? அவங்க மீது நடவடிக்கை எடுக்காதது ஏன்..? கொந்தளித்த அமைச்சர் அன்பில் மகேஷ்..!!

தமிழ்நாட்டில் எதிர்க்கட்சித் தலைவர் உதயநிதி ஸ்டாலின் கைதைத் தொடர்ந்து, திமுக சார்பில் மாநிலம் தழுவிய போராட்டங்கள் தீவிரமடைந்துள்ளன. இந்தச் சூழலில், முன்னாள் பள்ளிக் கல்வித்துறை அமைச்சரும், திருச்சி தெற்கு மாவட்டத் செயலாளருமான அன்பில் மகேஸ், முதல்வர் விஜய் தலைமையிலான தமிழக வெற்றிக் கழக (தவெக) அரசுக்கு எதிராகத் திருச்சியில் கடுமையான கண்டனப் போராட்டத்தை முன்னெடுத்துள்ளார். அரசின் இந்த நடவடிக்கையை அரசியல் பழிவாங்கும் நடவடிக்கை என விமர்சித்துள்ள அவர், தவெக அரசின் அடக்குமுறைகளுக்கு எதிராக திமுக ஒருபோதும் பின்வாங்காது என எச்சரித்துள்ளார்.

போராட்டத்தில் பேசிய அன்பில் மகேஸ், காவிரியின் குறுக்கே மேகதாட்டு அணை கட்டும் விவகாரத்தில் தவெக அரசு தனது தோல்வியை மறைக்கவும், மக்கள் கவனத்தை மடைமாற்றவுமே உதயநிதியை கைது செய்துள்ளதாகக் குற்றம்சாட்டினார். மேலும், “ஜட்டியைக் கழற்றி உட்கார வைத்து கொன்றுவிடுவேன்” என்று பகிரங்கமாக மிரட்டல் விடுத்த தவெக பெண் அமைச்சர் மீதும், போதைப்பொருள் விவகாரத்தில் கைதாகிப் புகழ்பெற்ற மற்றொரு அமைச்சர் மீதும் இதுவரை எந்தவித சட்ட நடவடிக்கையும் எடுக்கப்படாதது ஏன் என அவர் அடுக்கடுக்கான கேள்விகளை எழுப்பினார்.

நீட் தேர்வு விலக்கு மற்றும் காவிரி நதிநீர் உரிமை போன்ற தமிழ்நாட்டின் முக்கியமான மாநிலச் சிக்கல்கள் குறித்து முதல்வர் விஜய் வாய் திறக்காமல் மௌனம் காப்பதாக அன்பில் மகேஸ் விமர்சித்தார். உண்மையான மக்கள் பிரச்சனைகளில் கவனம் செலுத்தாத தவெக அரசு, திமுக நிர்வாகிகள் மற்றும் தொண்டர்கள் மீது தொடர்ந்து பொய் வழக்குகளைப் போட்டு அடக்குமுறையைக் கையாண்டு வருகிறது என்றும், தற்போது அதன் உச்சகட்டமாக எதிர்க்கட்சித் தலைவரையே கைது செய்திருப்பது ஜனநாயகத்திற்கு எதிரானது என்றும் அவர் சாடினார்.

நேற்றைய போராட்டத்தின் போது, வரவிருக்கும் பட்ஜெட் கூட்டத்தொடரில் காவிரி விவகாரம் குறித்து தவெக அரசை அம்பலப்படுத்துவேன் என உதயநிதி ஸ்டாலின் சவால் விடுத்திருந்தார். அந்தச் சவாலைக் கண்டு பயந்துபோய்தான், முதல்வர் விஜய்யின் நேரடி உத்தரவின் பேரில் உதயநிதி மீது பொய் வழக்கு புனையப்பட்டு கைது நடவடிக்கை எடுக்கப்பட்டுள்ளது என அன்பில் மகேஸ் ஆவேசமாகத் தெரிவித்தார். அரசதிகாரத்தைக் கொண்டு குரல்வளையை நசுக்க நினைக்கும் விஜய் அரசின் இந்த முயற்சிக்கு மக்கள் விரைவில் தகுந்த பாடம் புகட்டுவார்கள் என்றும் அவர் எச்சரித்தார்.