“முடிந்தால் நிரூபித்துக் காட்டுங்கள்..!” தவெக அரசுக்குத் திமுக முன்னாள் அமைச்சர் செந்தில் பாலாஜி விடுத்த அதிரடி மரண சவால்.. பரபரப்பு பின்னணி..!!

“முடிந்தால் நிரூபித்துக் காட்டுங்கள்” என்று திமுக முன்னாள் அமைச்சர் செந்தில் பாலாஜி, தவெக அரசுக்குச் சட்டமன்றப் பேரவையில் நேருக்கு நேர் சவால் விடுத்துள்ளார். திமுகவின் கொள்கை பூரண மதுவிலக்குதான் என்பதில் எவ்வித மாற்றுக்கருத்தும் இல்லை என்றும், அதன் காரணமாகவே கடந்த தங்களது ஆட்சிக் காலத்தில் டாஸ்மாக் கடைகள் படிப்படியாக மூடப்பட்டது என்றும் அவர் சுட்டிக்காட்டியுள்ளார். தற்போதைய தவெக அரசு, கடந்த திமுக ஆட்சியில் டாஸ்மாக் நிர்வாகத்தில் ஊழல் நடந்தது போல ஒரு மாயத் தோற்றத்தை உருவாக்குவதற்காக வெறும் வழக்குகளை மட்டுமே போட்டுள்ளதாக அவர் குற்றம் சாட்டியுள்ளார்.

அதிமுக மற்றும் தவெகவினர் கிளப்பும் இந்த ஊழல் புகார்களுக்குப் பதிலடி கொடுத்துப் பேசிய செந்தில் பாலாஜி, “கடந்த ஆட்சியில் ஊழல் நடந்தது என்று வெறும் வாயில் பேசாமல், முடிந்தால் அதனை நீதிமன்றத்தில் நிரூபித்துக் காட்டுங்கள்” என்று அதிரடியாக முழங்கியுள்ளார். தவெக அமைச்சர் விக்னேஷ் டாஸ்மாக் ஊழியர்களுக்கான ஊதிய உயர்வை அறிவித்ததைத் தொடர்ந்து, சட்டமன்றத்தில் கடந்த கால டாஸ்மாக் நிர்வாக ஊழல் குறித்த விவாதங்கள் வெடித்த நிலையில், செந்தில் பாலாஜி விடுத்துள்ள இந்த நேரடிச் சவால் தற்பொழுது தமிழக அரசியல் களத்தில் மிகப்பெரிய விவாதப் பொருளாக மாறியுள்ளது.