“டாஸ்மாக் ஊழியர்களுக்கு ஜாக்பாட்.. முதலமைச்சர் விஜய் எடுக்கப்போகும் அந்த ‘ஒரே ஒரு’ அதிரடி முடிவு.. த.வெ.க. அரசு தரும் மெகா சர்ப்ரைஸ்”..!!

தமிழகத்தில் டாஸ்மாக் கடைகளுக்கான செலவுகள், மின்சாரக் கட்டணம் மற்றும் வாடகை போன்றவற்றை டாஸ்மாக் நிறுவனமே ஏற்கும் வகையில் சீரமைப்புகள் மேற்கொள்ளப்பட்டு வருகின்றன. இந்நிலையில் 23 ஆயிரம் டாஸ்மாக் ஊழியர்களின் நீண்ட காலக் கோரிக்கைகளை நிறைவேற்ற முதலமைச்சர் விஜய் தலைமையிலான த.வெ.க. அரசு தீவிரமாக ஆலோசித்து வருகிறது. வாடிக்கையாளர்களிடம் மதுபான பாட்டிலுக்குக் கூடுதலாக 10 ரூபாய் வசூலிக்கக் கூடாது என்பதில் அரசு உறுதியாக உள்ள நிலையில், ஊழியர்களின் குறைகளை அமைச்சர் விக்னேஷ் கேட்டறிந்து வருகிறார். இதன் ஒரு பகுதியாக, டாஸ்மாக் ஊழியர்களின் சேவைகளை முறைப்படுத்தவும், அவர்களின் சம்பளத்தை உயர்த்தவும், ஓய்வு பெறும் வயதை 60 ஆக உயர்த்தவும் டாஸ்மாக் நிறுவனம் ஒரு முக்கிய முன்மொழிவைத் தயாரித்துள்ளது. இதற்கு அரசு விரைவில் ஒப்புதல் அளிக்கும் பட்சத்தில், டாஸ்மாக் ஊழியர்களின் 23 ஆண்டு கால எதிர்பார்ப்பு நிறைவேறுவதுடன் அவர்களின் வாழ்வாதாரமும் மேம்படும்.

கடந்த 2003-ஆம் ஆண்டு மதுபான விற்பனையை அரசே ஏற்றுக்கொண்ட போது சுமார் 35 ஆயிரம் பணியாளர்கள் ஒப்பந்த அடிப்படையில் பணியமர்த்தப்பட்டனர்; தற்போது இந்த எண்ணிக்கை 23 ஆயிரமாகக் குறைந்துள்ளது. தற்போது ஒரு கடை மேற்பார்வையாளருக்கு ரூ.17,850, விற்பனையாளருக்கு ரூ.15,530 மற்றும் உதவி விற்பனையாளருக்கு ரூ.14,340 மட்டுமே மாதச் சம்பளமாக வழங்கப்பட்டு வருகிறது. பணி நிரந்தரம், காலத்திற்கேற்ற சம்பள உயர்வு, ஓய்வு பெறும் வயது நீட்டிப்பு போன்ற தங்களின் முக்கிய கோரிக்கைகளைக் கடந்த கால அரசாங்கங்கள் கவனத்தில் கொள்ளாத நிலையில், தற்போது த.வெ.க. அரசு தங்களின் பிரச்சினைகளுக்குத் தீர்வு காண முன்வந்திருப்பதை டாஸ்மாக் பணியாளர்கள் மற்றும் தொழிற்சங்கத்தினர் மனதார வரவேற்றுள்ளனர்.