BREAKING: பிரபல பாடகி ஜமுனா ராணி காலமானார்… சோகத்தில் திரையுலகினர்…!!

தென்னிந்தியத் திரையுலகில் கொடிகட்டிப் பறந்த பழம்பெரும் திரைப்படப் பின்னணிப் பாடகி கே. ஜமுனா ராணி (88) உடல்நலக்குறைவால் காலமானார். தமிழ், தெலுங்கு, மலையாளம், கன்னடம் மற்றும் சிங்களம் உள்ளிட்ட பல்வேறு மொழிகளில் 6,000-க்கும் மேற்பட்ட பாடல்களைப் பாடி, இசை ரசிகர்களின் நெஞ்சங்களில் நீங்கா இடம் பிடித்த இவரின் மறைவு திரையுலகினரிடையே பெரும் சோகத்தை ஏற்படுத்தியுள்ளது.

1950 மற்றும் 1960-களின் பொற்காலத்தில் புகழ்பெற்ற பாடகர்களான டி.எம். சௌந்தரராஜன் மற்றும் பி.பி. ஸ்ரீனிவாஸ் ஆகியோருடன் இணைந்து பல மறக்கமுடியாத டூயட் பாடல்களைப் பாடியுள்ளார். ‘பாசமலர்’, ‘மன்னாதி மன்னன்’ போன்ற காவியத் திரைப்படங்களிலும், ‘குமுதம்’ திரைப்படத்தில் இடம்பெற்ற புகழ்பெற்ற “மாமா மாமா” உள்ளிட்ட எண்ணற்ற சூப்பர் ஹிட் பாடல்களையும் இவர் பாடியுள்ளார். திரையிசைத் துறைக்கு இவர் ஆற்றிய பேராற்றல் மிக்க பங்களிப்பைப் பாராட்டி, தமிழக அரசு 1998ஆம் ஆண்டில் இவருக்குத் தங்களின் உயரிய ‘கலைமாமணி’ விருது வழங்கி கௌரவித்தது.