5 பெண் குழந்தைகள் பிறந்ததால் 2வது கல்யாணம்… ஆண் வாரிசு பிறந்த 18 மாசத்துல கொடூரம்… 2வது மனைவியை வெட்டி சாய்த்த கணவன்… பின்னணியில் இருக்கும் பகீர் காரணம்..!!

உத்தரப் பிரதேச மாநிலம் மீரட்டில் ஆண் குழந்தை ஆசையில் இரண்டாவது திருமணம் செய்த முப்பது வயது நபர், தனது இரண்டாவது மனைவியைக் கொடூரமாகக் கொலை செய்த சம்பவம் பெரும் அதிர்ச்சியை ஏற்படுத்தியுள்ளது.முதல் மனைவி மூலம் ஏற்கனவே ஐந்து பெண் குழந்தைகள் இருந்த நிலையில், ஆண் வாரிசு வேண்டும் என்ற தீவிர எதிர்பார்ப்பில் அவர் இந்த இரண்டாவது திருமணத்தைச் செய்துள்ளார்.

இரண்டாவது திருமணத்திற்குப் பிறகு அந்த தம்பதியருக்கு ஒரு ஆண் குழந்தையும் பிறந்துள்ளது.ஆனாலும், அந்த குடும்பத்தில் அமைதி திரும்பவில்லை என்றும், மகன் பிறந்து சுமார் ஒன்றரை ஆண்டுகள் (18 மாதங்கள்) ஆன நிலையில் இந்த கொடூரக் கொலை நடந்துள்ளது என்றும் போலீசார் தெரிவித்துள்ளனர். கொலைக்கான சரியான காரணம் மற்றும் குடும்பப் பிரச்சினைகள் குறித்து போலீசார் தீவிர விசாரணை நடத்தி வருகின்றனர்.

குழந்தையின் பாலினத்தை அடிப்படையாகக் கொண்டு தாயின் மதிப்பைத் தீர்மானிக்கும் சமூக மனப்போம்மையின் தீவிர விளைவாகவே இந்தச் சம்பவம் பார்க்கப்படுகிறது.அறிவியல் ரீதியாகக் குழந்தையின் பாலின நிர்ணயத்திற்குத் தந்தையின் மரபணுக்களே காரணம் என்ற போதிலும், பெண் குழந்தைகள் பிறப்பதற்குப் பெண்களையே குற்றம் சாட்டும் அறியாமையும், வன்முறையும் இன்னும் தொடர்வதை இந்த வேதனையான சம்பவம் நினைவூட்டுகிறது.