“என்னடா இப்படி பண்றீங்க..?” ரயில் வியாபாரியிடம் பவர்பேங்க் வாங்கிவிட்டு ஸ்பாட்டிலேயே பிரித்த பயணி… உள்ளே இருந்ததை பார்த்து வாயடைத்துப்போன நெட்டிசன்கள்.. ஷாக்கிங் வீடியோ..!!

ரயிலில் விற்கப்பட்ட போலி சாம்சங் பவர்பேங்கிற்குள் வெறும் மண் மட்டுமே இருந்த அதிர்ச்சி சம்பவம் சமூக வலைதளங்களில் வெளியாகி பயணிகளிடையே பெரும் விழிப்புணர்வை ஏற்படுத்தியுள்ளது. ரயிலில் பயணம் செய்த பயணி ஒருவர், அங்கிருந்த ஒரு நடைபாதை வியாபாரியிடம் அசல் சாம்சங் பவர்பேங்க் எனக் கூறி விற்கப்பட்ட ஒரு பொருளை வாங்கியுள்ளார். அந்த வியாபாரி, இது முற்றிலும் உண்மையானது என்றும், ஷோரூம் விலையை விட மிகக் குறைந்த விலைக்குத் தருவதாகவும் கூறி அந்தப் பயணியை நம்ப வைத்துள்ளார். ஆனால், சந்தேகமடைந்த அந்தப் பயணி வாங்கிய உடனே அந்த பவர்பேங்கைத் திறந்து பார்த்தபோது, உள்ளே எந்தவித மின்னணு பாகங்களும் இல்லாமல், எடைக்காக வெறும் மண் மற்றும் மணல் நிரப்பப்பட்டிருந்ததைக் கண்டு அதிர்ச்சியடைந்தார்.

இந்த ஏமாற்றுச் சம்பவம் ரயில்களில் நடக்கும் தொடர் மோசடிகளை வெளிச்சம் போட்டுக் காட்டியுள்ளது. ரயிலுக்குள் வரும் அடையாளம் தெரியாத வியாபாரிகளிடம் மொபைல் போன்கள், பவர்பேங்க், இயர்போன் போன்ற எலக்ட்ரானிக் பொருட்களை வாங்குவதை முற்றிலும் தவிர்க்க வேண்டும் என்று ரயில்வே துறையும் சமூக ஆர்வலர்களும் பயணிகளுக்கு அவசர எச்சரிக்கை விடுத்துள்ளனர். தள்ளுபடி மற்றும் மலிவு விலையில் கிடைக்கிறது என்ற ஆசையில் இதுபோன்ற போலிப் பொருட்களை வாங்கிப் பணத்தை இழக்க வேண்டாம் என்றும், எப்போதும் விழிப்புணர்வுடன் இருக்க வேண்டும் என்றும் வலியுறுத்தப்படுகிறது.