CRIME
“செல்போனைப் பறித்துக்கொண்டு சந்தேகப் புத்தி” கல்யாணமான 4 மாசத்துல புதுமணப்பெண் தற்கொலை… கணவனின் டார்ச்சரால் நேர்ந்த கொடூரம்..!!
தாம்பரம் அடுத்த படப்பையில், திருமணமாகி 4 மாதங்களேயான ராஜேஸ்வரி (27) என்ற புதுமணப்பெண் தற்கொலை செய்துகொண்ட நெஞ்சை உருக்கும் சோகச் சம்பவம் அரங்கேறியுள்ளது. தனது மனைவி மீது தொடர்ந்து தேவையில்லாமல் சந்தேகப்பட்ட கணவர் தீபக், அவரிடமிருந்து செல்போனைப் பறித்து வைத்துக்கொண்டு நீண்ட நாட்களாக மன ரீதியாகக் கடுமையான துன்புறுத்தல்களை அளித்து வந்ததே இந்தத் தீவிர முடிவுக்குக் காரணம் என்று முதற்கட்டத் தகவல்கள் தெரிவிக்கின்றன.
ராஜேஸ்வரிக்குத் திருமணமாகி மிகக் குறுகிய காலமே ஆவதால், சட்ட விதிகளின்படி இந்த மரணம் குறித்து ஆர்.டி.ஓ விசாரணைக்கு அதிரடியாக உத்தரவிடப்பட்டுள்ளது. இச்சம்பவம் தொடர்பாகப் போலீசார் வழக்குப் பதிவு செய்து, கணவர் தீபக் மற்றும் அவரது குடும்பத்தினரிடம் தீவிர விசாரணை மேற்கொண்டு வருகின்றனர்.
