“காங்கிரஸ் கோவிச்சுக்கும்னு பயமா..?” மேகதாது விவகாரத்தில் தவெக அரசை வெளுத்து வாங்கிய கனிமொழி… சூடான தமிழக அரசியல்..!!

கர்நாடகாவில் ஆட்சியில் இருக்கும் காங்கிரஸ் கட்சி வருத்தப்படக் கூடாது என்பதற்காகவே மேகதாது அணை விவகாரம் குறித்துப் பேசத் தவெக அரசு மறுத்து வருகிறது என திமுக எம்பி கனிமொழி கடுமையாக விமர்சித்துள்ளார். சென்னையில் செய்தியாளர்களைச் சந்தித்துப் பேசிய அவர், தமிழக விவசாயிகளின் வாழ்வாதாரப் பிரச்சினையான காவிரி விவகாரத்தில் அனைத்துக் கட்சிக் கூட்டத்தைக் கூட்டி ஆலோசிக்கத் தற்போதைய தவெக அரசு முன்வரவில்லை எனக் குற்றம்சாட்டினார். ஆனால், அரசியல் முக்கியத்துவம் வாய்ந்த தொகுதி மறுவரையறை விவகாரம் பற்றிப் பேசுவதற்கு மட்டும் அவசர அவசரமாக அனைத்துக் கட்சிக் கூட்டத்தைக் கூட்டுவது அரசின் இரட்டை நிலப்பாட்டையே காட்டுகிறது எனச் சுட்டிக்காட்டினார்.

மக்கள் தொகையைக் கணக்கில் கொண்டு தொகுதி மறுவரையறை செய்யும்போது தமிழ்நாட்டின் நாடாளுமன்றப் பிரதிநிதித்துவம் பாதிக்கப்படும் என்பதை முன்கூட்டியே உணர்ந்து, அதற்கு முதன்முதலாகக் கடுமையான எதிர்ப்பை எச்சரிக்கைக் குரலாக எழுப்பியது திமுகதான் என்பதை அவர் சுட்டிக்காட்டினார். மேலும், காவிரி நீர் பங்கீடு மற்றும் மேகதாது அணைப் பிரச்சினைகளில் தவெக அரசு தனது அரசியல் கூட்டணிக் கணிப்புகளுக்கோ அல்லது நட்புறவுக்கே முன்னுரிமை அளிக்காமல், தமிழகத்தின் மாநில உரிமைகளை மீட்டெடுக்கத் தீர்க்கமாகப் போராட வேண்டும் என்றும் கேட்டுக்கொண்டார். தொகுதி மறுவரையறைப் போராட்டத்தில் திமுகவே தொடக்கப்புள்ளியாகவும் முன்னத்தி ஏராகவும் திகழ்ந்தது என்பதை அவர் மிக ஆணித்தரமாகப் பதிவு செய்தார்.