“அவளாகத்தான் என் ரூமுக்கு வந்தாள்” கடல் பயணத்தில் நடுங்கவைக்கும் சம்பவம்… சிறுமியை அறைக்கு அழைத்து பாலியல் அத்துமீறல்… மாட்டிய கப்பல் ஊழியர்..!!

எம்.எஸ்.சி வேர்ல்ட் அமெரிக்கா என்ற சொகுசு கப்பலில், 17 வயது சிறுமியுடன் சட்டவிரோத பாலியல் உறவில் ஈடுபட்டதாகக் குவாத்தமாலாவைச் சேர்ந்த 38 வயதான ரஃபேல் கயேடானோ பிளாங்கோ என்ற கப்பல் உயிர்காப்பாளர் மியாமியில் கைது செய்யப்பட்டுள்ளார். ஆகஸ்ட் 15 அன்று மியாமியிலிருந்து புறப்பட்ட இந்த பிரம்மாண்ட கப்பலில், பயணத்தின் முதல் நாளன்றே ரஃபேல் அந்தப் பதின்ம வயதுப் பெண்ணுடன் தொலைபேசி எண்களைப் பரிமாறிக்கொண்டுள்ளார்.

பின்னர், அந்தச் சிறுமி இரண்டு முறை தனது அறைக்கு வந்ததாகவும், அவருடன் தான் உடலுறவு கொண்டதாகவும் ரஃபேல் புலனாய்வாளர்களிடம் ஒப்புக்கொண்டுள்ளார். முதல் முறை ஆகஸ்ட் 16 அன்றும், அதன் பிறகு மூன்று நாட்கள் கழித்து மீண்டும் ஒரு முறையும் இந்த சட்டவிரோத பாலியல் நடவடிக்கை தொடர்ந்துள்ளது. கப்பல் ஊழியரின் இந்தத் தவறான நடத்தை மற்றும் குற்றச்செயல் குறித்து அறிந்தவுடன், கப்பல் நிர்வாகம் உடனடியாக சட்ட அமலாக்க அதிகாரிகளுக்குத் தகவல் அளித்துள்ளது.

இதனையடுத்து, கடந்த சனிக்கிழமையன்று சொகுசு கப்பல் மியாமி துறைமுகத்திற்குத் திரும்பிய உடனே, ரஃபேல் கயேடானோ பிளாங்கோ அதிகாரிகளால் அதிரடியாகக் கைது செய்யப்பட்டார். 18 வயதிற்கு உட்பட்ட சிறுமியுடன் சட்டவிரோத பாலியல் நடவடிக்கையில் ஈடுபட்டதாக அவர் மீது முறைப்படி குற்றம் சாட்டப்பட்டு, தற்போது சிறையில் அடைக்கப்பட்டுள்ளார்.