தமிழகத்தையே உலுக்கிய கொடூரம்… பாதுகாப்புப் பணியில் இருந்த பெண் காவலருக்கே இந்த நிலையா?…அவர்களை சும்மா விடக்கூடாது…”பெண் காவலர் கொடுத்த புகாரில் சிக்கிய கல்லூரி மாணவர்…பெண் போலீசுக்கு நேர்ந்த விபரீதம்…சிவகங்கையில் பரபரப்பு…!

சிவகங்கை மாவட்டத்தில் சட்டம் – ஒழுங்கு பாதுகாப்புப் பணியில் ஈடுபட்டிருந்த பெண் காவலர் ஒருவருக்கு நேர்ந்த கொடூரச் சம்பவம் அப்பகுதியில் பெரும் பரபரப்பையும் அதிர்ச்சியையும் ஏற்படுத்தியுள்ளது. பாதிக்கப்பட்ட பெண் காவலர், அப்பகுதி மக்களின் உதவியுடன் உடனடியாக காவல்துறை அவசர உதவி எண் 100-க்குத் தொடர்பு கொண்டு தகவல் தெரிவித்துள்ளார். தகவலறிந்தவுடன் சம்பவ இடத்திற்கு விரைந்து வந்த காவல்துறையினர், சக பெண் காவலரை அங்கிருந்து பாதுகாப்பாக மீட்டதுடன், இச்சம்பவம் குறித்து தீவிர விசாரணையைத் தொடங்கினர்.

இந்த விவகாரத்தின் தீவிரத்தன்மையைக் கருத்தில் கொண்டு, சிவகங்கை மாவட்ட காவல் கண்காணிப்பாளர் சிவப்பிரசாத் உத்தரவின் பேரில் அதிரடி நடவடிக்கை எடுக்கப்பட்டது. துணை காவல் கண்காணிப்பாளர் அமல அட்வின் மற்றும் அனைத்து மகளிர் காவல் நிலைய ஆய்வாளர் மாரீஸ்வரி ஆகியோர் தலைமையில் குற்றவாளிகளைப் பிடிக்கத் தனிப்படை அமைக்கப்பட்டது. காவல்துறையினரின் துரித விசாரணையில், பெண் காவலர் அளித்த புகாரின் அடிப்படையில் ராபின், மகாராஜா மற்றும் கல்லூரி மாணவரான ஹரிஸ் ஆகிய மூவரைத் தனிப்படையினர் மடக்கிப் பிடித்து தீவிர விசாரணைக்கு அழைத்துச் சென்றனர்.

விசாரணையின் முடிவில், பெண் காவலரைத் தாக்கி அத்துமீறிய குற்றத்திற்காக ராபின், மகாராஜா மற்றும் ஹரிஸ் ஆகிய மூவர் மீதும் பாலியல் பலாத்காரம் உள்ளிட்ட கடுமையான பிரிவுகளின் கீழ் வழக்குப்பதிவு செய்யப்பட்டது. இதையடுத்து அவர்கள் மூவரும் அதிகாரப்பூர்வமாகக் கைது செய்யப்பட்டு, நீதிமன்றத்தில் ஆஜர்படுத்தப்பட்ட பின் சிறையில் அடைக்கப்பட்டனர். பொதுமக்களுக்குப் பாதுகாப்பு வழங்கும் பணியில் இருக்கும் ஒரு பெண் காவலருக்கே இந்த நிலை ஏற்பட்டுள்ள சம்பவம், சிவகங்கை மாவட்டத்தில் பெண்களின் பாதுகாப்பு குறித்த பெரும் விவாதத்தை ஏற்படுத்தியுள்ளது.