“சீமானுக்கு விழுந்த மரண அடி!.. ‘பெருமுதலைகளுக்கு ஆதரவா?’.. அமைச்சர் ராஜ்மோகன் கேட்ட பகீர் கேள்வி”..!!

தனியார் பள்ளிகளின் கட்டணக்கொள்ளையைத் தடுக்கத் தவறிய அமைச்சர் ராஜ்மோகன், அரசுப் பள்ளிகளைத் தனித்துவிட்டு தனியார் பள்ளிகளுக்கான அனுகூலமாகச் செயல்படுகிறாரா என்று நாம் தமிழர் கட்சியின் தலைமை ஒருங்கிணைப்பாளர் சீமான் அண்மையில் கடுமையான விமர்சனத்தை முன்வைத்தார். தனியார் பள்ளிகள் தங்களின் சான்றிதழ்களுக்காகக் லட்சக்கணக்கில் லஞ்சம் கொடுப்பதைத் தடுத்து, பல்லாயிரம் கோடி ஊழலை ஒழித்ததைச் சுட்டிக்காட்டிய அமைச்சர், இதைத் தனியார் பள்ளிகளுக்கான சலுகையாகப் பார்க்கக் கூடாது என்றும், இது ஒரு தூய்மையான ஊழலுக்கு எதிரான நடவடிக்கை என்றும் தெளிவுபடுத்தியுள்ளார். மேலும், இந்த ஊழல் ஒழிப்பால் பின்னணியில் உள்ள பெரும் தலைகள் வெளிவருவதால், அவர்களுக்கு ஆதரவாகவே சீமான் பேசுகிறாரோ என்ற சந்தேகம் எழுவதாகவும் அமைச்சர் ராஜ்மோகன் அதிரடியாகப் பதிலடி கொடுத்துள்ளார்.

அரசுப் பள்ளிகளே தனது இரு கண்கள் என்று குறிப்பிட்டுள்ள பள்ளிக்கல்வித்துறை அமைச்சர், தான் பொறுப்பேற்றதும் அரசுப் பள்ளி மாணவிகளின் கழிவறைப் பாதுகாப்பு வசதிக்காகவே முதல் கையெழுத்திட்டதாகக் கூறினார். அதுமட்டுமன்றி, தொடர் ஆய்வுகள், சரியான நேரத்தில் பொதுத்தேர்வு முடிவுகள், வெயில் தாக்கத்தைக் குறைக்கும் வகையில் பள்ளித் திறப்பு தள்ளிவைப்பு, ஸ்மார்ட் வகுப்பறைகள் மற்றும் உண்டு உறைவிடப் பள்ளிகளின் மேம்பாடு என அரசுப் பள்ளிகளின் முன்னேற்றத்திற்காகத் தன் அரசு தொடர்ந்து உழைத்து வருவதையும் அவர் பட்டியலிட்டுள்ளார். இதன் மூலம், ஏழை எளிய மாணவர்களின் நலனில் அக்கறை செலுத்தாமல், ஊழல் பெருமுதலைகளைக் காப்பாற்ற நினைப்பவர்களே தங்கள் மீது வீண் பழி சுமத்துவதாக அமைச்சர் ராஜ்மோகன் சுட்டிக்காட்டியுள்ளார்.