“திமுக-பாஜக கூட்டணி?.. மேடையில் திருமாவளவன் போட்ட குண்டு… தமிழக அரசியலில் அடுத்த மெகா திருப்பம்”..!!

பாஜகவோடு நாளை திமுக கைகோர்க்கும் நிலை ஏற்படலாம் என விடுதலைச் சிறுத்தைகள் கட்சியின் தலைவர் தொல். திருமாவளவன் தெரிவித்துள்ளார். விசிக கட்சி நிகழ்ச்சி ஒன்றில் பேசிய அவர், பாரதிய ஜனதா கட்சியை எதிர்க்கும் வரையில் மட்டுமே திமுக போன்ற கட்சிகள் தங்களுக்கு நட்பு சக்திகளாக இருக்க முடியும் என்று குறிப்பிட்டுள்ளார். இந்த அரசியல் அடிப்படையில்தான் தங்களது தற்போதைய அரசியல் நிலைப்பாடு அமைந்துள்ளது என்றும் அவர் தெளிவுபடுத்தியுள்ளார்.

மேலும், சனாதன எதிர்ப்பு மற்றும் சாதி ஒழிப்பு ஆகிய கொள்கைகளைத் தீவிரமாக முன்னிறுத்திச் செயல்படும்போது, பாஜகவை விமர்சிக்க வேண்டிய கட்டாய நிலை தங்களுக்கு ஏற்படுவதாகவும் திருமாவளவன் தனது உரையில் சுட்டிக்காட்டியுள்ளார். தமிழக அரசியலில் தற்போதைய கூட்டணிக் கட்சிகளுக்கு இடையேயான எதிர்கால உறவு குறித்து விசிக தலைவர் திருமாவளவன் பேசியுள்ள இந்த விவகாரம் அரசியல் வட்டாரத்தில் தற்போதைய விவாதப் பொருளாக மாறியுள்ளது.