“நீயெல்லாம் ஒரு தாயா..?” 3 வயது குழந்தையின் கடைசி அலறல்… காதலனுடன் பேச பெற்ற தாயே செய்த கொடூரம்.. நெஞ்சை பதறவைக்கும் பகீர் சம்பவம்..!!

காதலனுடன் தொலைபேசியில் பேசிக்கொண்டிருந்தபோது தொடர்ந்து அழுதுகொண்டிருந்த தனது 3 வயது மகனைக் கழுத்தை நெரித்துக் கொன்றதாக, மதுரா அருகிலுள்ள சௌலி கிராமத்தைச் சேர்ந்த 32 வயது பெண் ரூச்சி ஜிண்டால் மீது குற்றம் சாட்டப்பட்டுள்ளது. ஜூன் 28 அன்று இச்சம்பவம் நடந்தபோது, குழந்தைக்கு அன்றைய தினம் தான் போலியோ சொட்டு மருந்து கொடுக்கப்பட்டிருந்தது. இதனால், அதன் பக்கவிளைவால்தான் குழந்தை இறந்துவிட்டதாக நம்பிய குடும்பத்தினர் எவ்வித சந்தேகமுமின்றி உடலைப் புதைத்தனர்.

இந்நிலையில், திங்களன்று அப்பெண் தனது காதலனிடம் குழந்தையைக் கொன்ற சம்பவத்தை விவரிப்பதை அவரது கணவர் கிருஷ்ண முராரி குப்தா ஒட்டுக்கேட்ட பிறகே இந்த அதிர்ச்சி உண்மை வெளிச்சத்திற்கு வந்தது. தொடர்ந்து, அப்பெண்ணின் மைத்துனர் கோவிந்த் குப்தா அழைப்புப் பதிவுகளைச் சரிபார்த்து, அவர் ஒரு ஆணுடன் நீண்ட காலமாகத் தொடர்பில் இருந்ததாகக் குற்றம் சாட்டி காவல்துறையில் புகார் அளித்தார்.

இப்புகாரின் பேரில் வழக்குப்பதிவு செய்யப்பட்டுள்ளதாகப் பல்டேவ் காவல் நிலைய அதிகாரி தெரிவித்துள்ளார். குழந்தையின் உடலைத் தோண்டி எடுத்துப் பிரேதப் பரிசோதனை செய்ய நடவடிக்கைகள் மேற்கொள்ளப்பட்டு வருகின்றன. அந்தப் பிரேதப் பரிசோதனை அறிக்கையின் முடிவுகளின் அடிப்படையிலேயே அடுத்தகட்ட சட்ட நடவடிக்கைகளும் கைது நடவடிக்கைகளும் தொடரும் என காவல்துறையினர் தெரிவித்துள்ளனர்.