“ஸ்கூல்களுக்கு பறந்த அவசர உத்தரவு.. EMIS தளத்தில் உடனே இதை செய்யணும்… பள்ளிக் கல்வித்துறை அதிரடி அறிவிப்பு..!!

தமிழகப் பள்ளி மாணவர்களின் ஆவணங்களை முழுமையாக டிஜிட்டல் மயமாக்கும் நோக்கில், அவர்களின் சாதிச் சான்றிதழ் விவரங்களை EMIS ஆன்லைன் தளத்தில் பதிவேற்றும் பணிகள் முடுக்கிவிடப்பட்டுள்ளன. அரசு மற்றும் தனியார் பள்ளிகள் அனைத்தும் இந்தத் தரவுகளைத் துல்லியமாக உள்ளீடு செய்ய வேண்டும் எனப் பள்ளிக் கல்வித்துறை உத்தரவிட்டுள்ளது. ஏதேனும் தவறுகள் இருந்தால் அவற்றை உடனே திருத்தவும் தலைமை ஆசிரியர்களுக்கு வழிகாட்டுதல்கள் வழங்கப்பட்டுள்ளன. இந்த டிஜிட்டல் நடவடிக்கையின் மூலம் எதிர்காலத்தில் உயர்கல்விக்கு விண்ணப்பிக்கும் போது ஏற்படும் காலதாமதம் தவிர்க்கப்படுவதுடன், அரசின் நலத்திட்டங்களும் உரியவர்களைச் சென்றடையும்.

தமிழகப் பள்ளிகளில் தற்போது தீவிரப்படுத்தப்பட்டுள்ள ஆன்லைன் சாதி விவரப் பதிவானது, முற்றிலும் கல்வித்துறையின் உள்நிர்வாகப் பயன்பாட்டிற்கான ஒரு தரவு நெறிப்படுத்துதல் (Data Streamlining) நடவடிக்கை மட்டுமே என விளக்கம் அளிக்கப்பட்டுள்ளது. முன்னதாக, மாணவர்களின் ஸ்மார்ட் கார்டுகளில் சாதி விவரங்கள் அச்சிடப்பட உள்ளதாகப் பரவிய தகவல்கள் வதந்தியே என அரசு மறுத்துள்ளது. மாணவர்களிடையே வேற்றுமைகள் உருவாவதைத் தடுக்கும் நோக்கில், அடையாள அட்டைகளில் சாதி தொடர்பான எந்தத் தகவலும் அச்சிடப்படாது என்றும், அரசின் நலத்திட்ட விநியோகத்தில் வெளிப்படைத்தன்மையை நிலைநாட்டவே இந்த ஆன்லைன் தரவுச் சேகரிப்பு நடத்தப்படுகிறது என்றும் அரசுத் தரப்பில் கூறப்பட்டுள்ளது.