“எப்படி எங்களை போட்டோ எடுக்கலாம்..?” போக்குவரத்து போலீசாரை நடுரோட்டில் வெறித்தனமாகத் தாக்கிய வாலிபர்.. இணையத்தை உலுக்கும் வீடியோ..!!

ஹைதராபாத் நாம்பள்ளி பகுதியில், பணியில் இருந்த போக்குவரத்து காவல் துறை அதிகாரியைத் தாக்கிய குற்றத்திற்காக முகமது ரிஸ்வான் என்ற நபர் செப்டம்பர் 8 அன்று நாம்பள்ளி போலீஸாரால் அதிரடியாகக் கைது செய்யப்பட்டுள்ளார். செப்டம்பர் 7 அன்று மாலை 3:30 மணியளவில் தாஜ் ஐலேண்ட் சந்திப்பில் முகமது ரிஸ்வான் தனது மனைவியுடன் தலைக்கவசம் அணியாமல் இருசக்கர வாகனத்தில் பயணித்துள்ளார். அப்போது அங்கு போக்குவரத்து விதிமீறல்களைப் பதிவு செய்யும் பணியில் இருந்த ஹோம் கார்டு கே. ரவீந்தர், விதிமுறையை மீறிய ரிஸ்வானைப் புகைப்படம் எடுத்துள்ளார்.

இதைக் கண்டு அசாத்திய ஆத்திரமடைந்த ரிஸ்வான், வாகனத்தைத் திருப்பி வந்து ஹோம் கார்டு ரவீந்தரை மிகக் கேவலமான வார்த்தைகளால் திட்டித் தாக்குதலில் ஈடுபட்டுள்ளார். நாம்பள்ளி போலீஸாரின் கூற்றுப்படி, ரிஸ்வானின் மனைவியும் அந்த அதிகாரியை அவதூறாகப் பேசியதுடன் இந்தச் சம்பவத்தைத் தனது மொபைலில் வீடியோவாகப் பதிவு செய்துள்ளார். ரவீந்தர் அளித்த அதிகாரப்பூர்வ புகாரின் பேரில், அரசு ஊழியரைப் பணி செய்யவிடாமல் தடுத்தல், தாக்குதல் நடத்துதல் மற்றும் ஹெல்மெட் அணியாமல் பயணித்தல் உள்ளிட்ட பாரதிய நியாய சன்ஹிதா மற்றும் மோட்டார் வாகனச் சட்டப் பிரிவுகளின் கீழ் போலீஸார் வழக்குப் பதிவு செய்து ரிஸ்வானை அதிரடியாகச் சிறையிலடைத்துள்ளனர்.