முறிந்ததா தற்காலிகப் போர்நிறுத்தம்…?அமைதிப் பேச்சுவார்த்தைக்கு நடுவே வளைகுடாவில் அமெரிக்க ராணுவம் திடீர் அதிரடி… நள்ளிரவில் நடந்த பயங்கரம்…!!

மேற்காசியப் பகுதியில் நிலவி வரும் அசாதாரண சூழ்நிலையைத் தணிக்க, கடந்த ஏப்ரல் 9-ஆம் தேதி அமெரிக்கா மற்றும் ஈரான் நாடுகளுக்கிடையே தற்காலிகப் போர்நிறுத்தம் அமலுக்கு வந்தது. வளைகுடா பிராந்தியத்தில் இந்த அமைதியை நீட்டிப்பது தொடர்பாக இருதரப்பும் தொடர்ந்து பேச்சுவார்த்தை நடத்தி வந்தாலும், இறுதி ஒப்பந்தம் எட்டப்படுவதில் தொடர்ந்து இழுபறி நீடித்து வந்தது. இத்தகைய பதற்றமான சூழலில், சர்வதேச வான்வெளியில் பறந்து கொண்டிருந்த அமெரிக்காவின் ‘எம்கியூ-1’ ரக டிரோனை ஈரான் ராணுவம் சமீபத்தில் சுட்டு வீழ்த்தியது.

இதற்குப் பதிலடி கொடுக்கும் விதமாகவும், தற்காப்பு நடவடிக்கையாகவும் ஈரான் நாட்டின் கோருக் பகுதி மற்றும் கெஷ்ம் தீவுகளில் அமைந்துள்ள ரேடார் நிலையங்கள் மற்றும் டிரோன் கட்டுப்பாட்டு மையங்கள் மீது அமெரிக்க மத்திய கட்டளை அமைப்பு தற்போது அதிரடி வான்வழித் தாக்குதல்களை நடத்தியுள்ளது. அமெரிக்காவின் இந்தத் திடீர் தாக்குதலால் தங்களது படை வீரர்களுக்கு எவ்விதப் பாதிப்பும் ஏற்படவில்லை என்று அந்நாட்டு ராணுவம் அதிகாரப்பூர்வமாக அறிவித்துள்ளது.

ஏற்கனவே கடந்த பிப்ரவரி மாத இறுதியில் இரு நாடுகளுக்கும் இடையே நடந்த கூட்டுத் தாக்குதல்களால் உலகளவில் கச்சா எண்ணெய் விநியோகம் கடுமையாகப் பாதிக்கப்பட்டுப் பொருளாதாரச் சிக்கல்கள் எழுந்தன. தற்போது நீண்ட போராட்டத்திற்குப் பிறகு அமைதி திரும்பும் என்று உலக நாடுகள் எதிர்பார்த்துக் கொண்டிருந்த வேளையில், அமெரிக்கா மீண்டும் ஈரானின் ராணுவ நிலைகளைக் குறிவைத்துத் தாக்கியிருப்பது மத்திய கிழக்கில் மீண்டும் போர் பதற்றத்தை உச்சத்திற்குக் கொண்டு சென்றுள்ளது.